سیدنا خوات بن جبیر رضی اللہ عنہ بیان کرتے ہیں: میں بیمار ہو گیا نبی اکرم صلی اللہ علیہ وسلم میری عیادت کے لئے تشریف لائے جب میں تندرست ہوا تو نبی اکرم صلی اللہ علیہ وسلم نے فرمایا: تمہارا جسم تندرست ہو گیا ہے، تو تم نے اللہ تعالیٰ کے ساتھ جو وعدہ کیا تھا اسے پورا کرو میں نے عرض کی: میں نے تو اللہ تعالیٰ کے ساتھ کوئی وعدہ نہیں کیا نبی اکرم صلی اللہ علیہ وسلم نے ارشاد فرمایا جو بھی مریض بیمار ہوتا ہے، تو وہ کوئی نہ کوئی نذر مانتا ہے یا بھلائی کا کوئی کام کرنے کی نیت کرتا ہے، تو تم نے اس کے ساتھ جو وعدہ کیا ہے اللہ تعالی کے لئے اسے پورا کرو۔
یہ روایت امام طبرانی نے معجم کبیر میں نقل کی ہے اور اس کی سند میں ایک راوی عبداللہ بن اسحاق ہاشمی ہے، جسے عقیلی نے ضعیف قرار دیا ہے۔ [مجمع الزاوئد ومنبع الفوائد/كتاب الأيمان والنذور/حدیث: 6976]