سیدنا عبداللہ بن عمر رضی اللہ عنہما بیان کرتے ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ”ہر وہ کنیز جو حاملہ ہو، تو اس کے مالک پر یہ حرام ہے (کہ وہ اس کے ساتھ صحبت کرے) جب تک وہ پیٹ میں موجود بچے کو جنم نہیں دیدیتی“۔
یہ روایت امام طبرانی نے ایک طویل حدیث کے ضمن میں نقل کی ہے۔ جو مکمل روایت آگے چل کر کھانے پینے سے متعلق باب میں لہسن کھانے والے باب میں آئے گی اس روایت کی سند میں ایک راوی یحیی بن عبداللہ بابلتی ہے، اور وہ ضعیف ہے۔ میں یہ کہتا ہوں طلاق سے متعلق باب میں استبراء سے متعلق باب میں احادیث آئیں گی۔ [مجمع الزاوئد ومنبع الفوائد/كتاب النكاح/حدیث: 7604]