سیدنا انس رضی اللہ عنہ بیان کرتے ہیں: جب وہ صبح آئی جب مجھے احتلام ہوا تھا تو میں نبی اکرم صلی اللہ علیہ وسلم کی خدمت میں حاضر ہوا اور میں نے آپ کو اس بارے میں بتایا تو آپ نے فرمایا: اب تم خواتین پر داخل نہیں ہو گے۔ (سیدنا انس رضی اللہ عنہ کہتے ہیں:) مجھ پر اس دن سے زیادہ شدید دن کوئی نہیں آیا۔
یہ روایت امام طبرانی نے معجم صغیر اور معجم اوسط میں نقل کی ہے۔ اس کی سند میں ایک راوی زفر بن سلیمان ہے، اور وہ ثقہ ہے اس میں ایسا ضعف پایا جاتا ہے جو نقصان دہ نہیں ہے اس روایت کے بقیہ رجال ثقہ ہیں۔ [مجمع الزاوئد ومنبع الفوائد/كتاب النكاح/حدیث: 7719]