(نبی کریم صلی اللہ علیہ وسلم نے فرمایا:)
”سونا سونے کے بدلے، خواہ ڈلی کی شکل میں ہو یا سکے کی شکل میں، اور چاندی چاندی کے بدلے، خواہ ڈلی کی شکل میں ہو یا سکے کی شکل میں، اور گندم گندم کے بدلے، دو مد کے بدلے دو مد، اور جو جو کے بدلے، دو مد کے بدلے دو مد، اور کھجور کھجور کے بدلے، دو مد کے بدلے دو مد، اور نمک نمک کے بدلے، دو مد کے بدلے دو مد، پس جس نے زیادہ دیا یا زیادہ لیا تو اس نے سود کھایا۔ سونے کو چاندی کے بدلے فروخت کرنے میں کوئی حرج نہیں جبکہ چاندی زیادہ ہو، بشرطیکہ ہاتھوں ہاتھ (نقد) ہو، ادھار جائز نہیں۔ اور گندم کو جو کے بدلے فروخت کرنے میں کوئی حرج نہیں جبکہ جو زیادہ ہو، بشرطیکہ ہاتھوں ہاتھ (نقد) ہو، ادھار جائز نہیں۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 3443]