(نبی کریم صلی اللہ علیہ وسلم نے فرمایا:)
”اللہ تعالیٰ فرماتا ہے: ابن آدم کا ہر عمل اسی کے لیے ہے سوائے روزے کے، وہ میرے لیے ہے اور میں ہی اس کا بدلہ دوں گا۔ روزہ ڈھال ہے، پس جب تم میں سے کسی کا روزے کا دن ہو تو نہ فحش گوئی کرے اور نہ شور و غل مچائے، اور اگر کوئی اسے گالی دے یا اس سے لڑے تو وہ کہہ دے: میں روزہ دار ہوں۔ اس ذات کی قسم جس کے ہاتھ میں محمد صلی اللہ علیہ وسلم کی جان ہے! روزہ دار کے منہ کی بو اللہ کے نزدیک مشک کی خوشبو سے زیادہ پسندیدہ ہے۔ اور روزہ دار کے لیے دو خوشیاں ہیں جن سے وہ خوش ہوتا ہے: جب وہ روزہ افطار کرتا ہے تو اپنے افطار پر خوش ہوتا ہے، اور جب وہ اپنے رب سے ملے گا تو اپنے روزے پر خوش ہو گا۔“ [صحيح الجامع الصغير وزيادته/حرف القاف./حدیث: 4328]