(نبی کریم صلی اللہ علیہ وسلم نے فرمایا:)
”وہ مومن جو قرآن پڑھتا ہے اس کی مثال اترج (میٹھے لیموں) جیسی ہے، اس کی خوشبو بھی اچھی ہے اور ذائقہ بھی اچھا ہے، اور وہ مومن جو قرآن نہیں پڑھتا اس کی مثال کھجور جیسی ہے، اس کا ذائقہ اچھا ہے مگر اس میں خوشبو نہیں، اور وہ فاجر جو قرآن پڑھتا ہے اس کی مثال ریحان (خوشبودار پودے) جیسی ہے، اس کی خوشبو اچھی ہے مگر ذائقہ کڑوا ہے، اور وہ فاجر جو قرآن نہیں پڑھتا اس کی مثال حنظل (اندرائن) جیسی ہے، اس کا ذائقہ کڑوا ہے اور اس میں خوشبو بھی نہیں، اور نیک ساتھی کی مثال مشک بیچنے والے جیسی ہے، اگر تمہیں اس میں سے کچھ نہ بھی ملے تو اس کی خوشبو ضرور پہنچے گی، اور برے ساتھی کی مثال بھٹی والے جیسی ہے، اگر تمہیں اس کی کالک نہ بھی لگے تو اس کا دھواں ضرور پہنچے گا۔“ [صحيح الجامع الصغير وزيادته/حرف الميم./حدیث: 5839]