(نبی کریم صلی اللہ علیہ وسلم نے فرمایا:)
”مدینہ حرم ہے، عیر سے ثور تک، جس نے اس میں کوئی نئی بات پیدا کی یا کسی بدعتی کو پناہ دی اس پر اللہ، فرشتوں اور تمام لوگوں کی لعنت ہو، اللہ تعالیٰ قیامت کے دن اس کا نہ کوئی نفلی عمل قبول کرے گا نہ فرض، اور مسلمانوں کی پناہ ایک ہے جسے ان کا ادنیٰ فرد بھی دے سکتا ہے، پس جس نے کسی مسلمان کی پناہ توڑی اس پر اللہ، فرشتوں اور تمام لوگوں کی لعنت ہو، اللہ تعالیٰ قیامت کے دن اس کا نہ کوئی نفلی عمل قبول کرے گا نہ فرض، اور جس نے اپنے باپ کے سوا کسی اور کی طرف اپنا نسب جوڑا یا اپنے موالی کے سوا کسی اور سے اپنی نسبت جوڑی اس پر اللہ، فرشتوں اور تمام لوگوں کی لعنت ہو، اللہ تعالیٰ قیامت کے دن اس کا نہ کوئی نفلی عمل قبول کرے گا نہ فرض۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 6683]