(نبی کریم صلی اللہ علیہ وسلم نے فرمایا:)
”اس ذات کی قسم جس کے ہاتھ میں میری جان ہے! اس حوض کے برتن آسمان کے تاریک اور صاف رات کے ستاروں اور سیاروں کی تعداد سے بھی زیادہ ہیں، اس کے برتن جنت کے برتن ہیں، جو اس سے پی لے وہ کبھی پیاسا نہیں ہوگا۔ اس میں جنت کی دو نالیاں بہتی ہیں، جو اس سے پی لے وہ پیاسا نہیں ہوگا، اس کی چوڑائی اس کی لمبائی جیسی ہے، عمان سے ایلہ تک، اس کا پانی دودھ سے زیادہ سفید اور شہد سے زیادہ میٹھا ہے۔“ [صحيح الجامع الصغير وزيادته/حرف الواو./حدیث: 7066]