(نبی کریم صلی اللہ علیہ وسلم نے فرمایا:)
”جب نطفے (کے رحم مادر میں ٹھہرنے) پر بیالیس راتیں گزر جاتی ہیں، تو اللہ تعالیٰ اس کی طرف ایک فرشتہ بھیجتا ہے جو اس کی صورت بناتا ہے، اس کے کان، اس کی آنکھیں، اس کی کھال، اس کا گوشت اور اس کی ہڈیاں بناتا ہے۔ پھر وہ کہتا ہے: اے میرے رب! کیا یہ لڑکا ہوگا یا لڑکی؟ تو تمہارا پروردگار جو چاہتا ہے فیصلہ فرماتا ہے اور فرشتہ لکھ لیتا ہے۔ پھر وہ کہتا ہے: اے میرے رب! اس کی موت کا وقت کب ہے؟ تو تمہارا پروردگار جو چاہتا ہے فرماتا ہے اور فرشتہ لکھ لیتا ہے۔ پھر وہ کہتا ہے: اے میرے رب! اس کا رزق کتنا ہے؟ تو تمہارا پروردگار جو چاہتا ہے فیصلہ فرماتا ہے اور فرشتہ لکھ لیتا ہے۔ پھر وہ فرشتہ اپنے ہاتھ میں وہ صحیفہ (نوشتہ تقدیر) لے کر نکل جاتا ہے، پس وہ اس حکم میں نہ کوئی اضافہ کرتا ہے اور نہ ہی کوئی کمی۔“ [صحيح الجامع الصغير وزيادته/[حرف الألف] -- أد/حدیث: 797]