سیدنا ابو مالک اشعری رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”قیامت کے دن اللہ تعالیٰ کے نزدیک خیانت کی سب سے بڑی قسم زمین کا وہ ایک ہاتھ کے برابر ٹکڑا ہے جسے دو آدمی اور دو پڑوسی چوری کر لیں، جبکہ وہ زمین ان دونوں کے درمیان مشترک ہو اور پھر ان میں سے ایک اپنے ساتھی کے حصے سے چوری کر لے، تو اسے سات زمینوں تک کا طوق بنا کر اس کے گلے میں ڈال دیا جائے گا۔“ [المطالب العالية بزوائد المسانيد الثمانية/كتاب البيوع/حدیث: 1470]