مسدد بیان کرتے ہیں کہ ہمیں معتمر نے اپنے والد کے واسطے سے حدیث سنائی، وہ کہتے ہیں کہ مجھ سے ایک بزرگ (شیخ) نے بیان کیا جن سے میری ملاقات بحرین میں ہوئی تھی، انہوں نے نبی کریم صلی اللہ علیہ وسلم کے حجۃ الوداع کے موقع پر دیے گئے خطبے کے متعلق بتایا کہ آپ صلی اللہ علیہ وسلم نے ارشاد فرمایا: ”کسی بھی شخص کا مال (کسی دوسرے کے لیے) حلال نہیں ہے سوائے اس کے جو وہ اپنی دلی خوشی اور طیبِ خاطر سے عطا کرے۔“ [المطالب العالية بزوائد المسانيد الثمانية/كتاب البيوع/حدیث: 1471]