سیدنا علی رضی اللہ عنہ سے روایت ہے کہ انہوں نے (راستے سے) ایک دینار اٹھایا، پھر اس میں سے دو قیراط (کے برابر سونا) کاٹ لیا، پھر وہ سیدہ فاطمہ رضی اللہ عنہا کے پاس آئے اور فرمایا: ”ہمارے لیے کھانا تیار کرو“، پھر وہ نبی کریم صلی اللہ علیہ وسلم کی خدمت میں حاضر ہوئے اور آپ صلی اللہ علیہ وسلم کو مدعو کیا، پس آپ صلی اللہ علیہ وسلم اور آپ کے ہمراہ موجود لوگ تشریف لائے، پھر سیدنا علیؓ ان کے پاس ایک بڑے برتن میں کھانا لے کر آئے، تو جب نبی کریم صلی اللہ علیہ وسلم نے اسے دیکھا تو اس پر ناپسندیدگی کا اظہار فرمایا اور دریافت کیا: ”یہ کیا ہے؟“، پس سیدنا علیؓ نے آپ صلی اللہ علیہ وسلم کو اس کی تفصیل بتائی، تو آپ صلی اللہ علیہ وسلم نے ارشاد فرمایا: ”اسے (بطور لقطہ) سنبھال کر رکھو، اسے سنبھال کر رکھو، وہ دو قیراط میرے ذمے ہیں“، اور فرمایا: ”تم سب «بِاسْمِ اللهِ» ”اللہ کے نام کے ساتھ“ اپنے ہاتھ بڑھاؤ“۔ یہ حدیث حسن ہے، اور امام ابوداؤد نے اس کا ایک مختصر حصہ روایت کیا ہے۔ [المطالب العالية بزوائد المسانيد الثمانية/كتاب البيوع/حدیث: 1478]