سیدنا عبد اللہ بن عباس رضی اللہ عنہما سے روایت ہے کہ انہوں نے فرمایا: ”بے شک یہ بات نہ تو کتاب اللہ میں ہے اور نہ ہی رسول اللہ صلی اللہ علیہ وسلم کے کسی فیصلے میں موجود ہے، اور عنقریب وہ سب اس کا سامنا کریں گے تو دریافت کریں گے کہ وہ کیا ہے؟ تو آپ رضی اللہ عنہ فرماتے ہیں: (وہ مسئلہ یہ ہے کہ) بیٹی کی موجودگی میں بہن کا حصہ نصف مقرر کرنا، حالانکہ اللہ عزوجل کا ارشادِ گرامی ہے: ﴿إِنِ امْرُؤٌ هَلَكَ لَيْسَ لَهُ وَلَدٌ وَلَهُ أُخْتٌ﴾ ”اگر کوئی شخص فوت ہو جائے جس کی کوئی اولاد نہ ہو اور اس کی ایک بہن ہو... (آخرِ آیت تک)“۔“ [المطالب العالية بزوائد المسانيد الثمانية/كتاب الوصايا/حدیث: 1538]