امام ابو داؤد رحمہ اللہ فرماتے ہیں کہ ہمیں حماد بن سلمہ نے عمارہ العبدی کے واسطے سے حدیث بیان کی، وہ سیدنا ابو سعید خدری رضی اللہ عنہ سے روایت کرتے ہیں کہ انہوں نے عزل (دورانِ مباشرت انزال باہر کرنے) کے متعلق ایک حدیث کا تذکرہ کیا اور فرمایا: ”میں نے اپنی ایک لونڈی کے ساتھ عزل کیا تھا، لیکن (تقدیرِ الٰہی سے) اس نے اس بچے کو جنم دیا جو مجھے تمام لوگوں میں سب سے زیادہ محبوب ہے“۔ [المطالب العالية بزوائد المسانيد الثمانية/كتاب النكاح/حدیث: 1612]