سیدنا عبداللہ بن عمر رضی اللہ عنہما سے روایت ہے کہ نبی کریم صلی اللہ علیہ وسلم نے (تین طلاق پانے والی عورت کے متعلق) ارشاد فرمایا: ”وہ عورت اس (پہلے شوہر) کے لیے اس وقت تک حلال نہیں ہوگی جب تک کہ وہ (اپنے دوسرے شوہر کا) شہد نہ چکھ لے (یعنی اس کے ساتھ ازدواجی تعلق استوار نہ کر لے)۔“
شارحینِ حدیث کے نزدیک اس تمثیل سے مراد جماع اور ہم بستری کی لذت حاصل کرنا ہے، جو کہ مطلقہ ثلاثہ کے اپنے پہلے شوہر کی طرف رجوع کرنے کے لیے نکاحِ ثانی کے بعد ایک لازمی شرعی شرط ہے۔ [المطالب العالية بزوائد المسانيد الثمانية/كتاب الوليمة/حدیث: 1708]