سیدنا عبداللہ بن عباس رضی اللہ عنہما سیدنا عمر فاروق رضی اللہ عنہ سے روایت کرتے ہیں (اور راوی کا خیال ہے کہ انہوں نے اسے نبی کریم صلی اللہ علیہ وسلم سے مرفوعاً بیان کیا) کہ آپ صلی اللہ علیہ وسلم نے فرمایا: ”یقیناً ایک عورت کے لیے اس کے حمل ٹھہرنے سے لے کر وضعِ حمل اور پھر بچے کا دودھ چھڑانے تک کے تمام مراحل میں اتنا ہی عظیم اجر ہے جتنا اللہ کی راہ میں اپنے خون میں لتھڑے ہوئے مجاہد کا ہوتا ہے، اور اگر وہ اس درمیانی مدت کے دوران وفات پا جائے تو اسے شہید کا اجر و مرتبہ عطا کیا جاتا ہے۔“ [المطالب العالية بزوائد المسانيد الثمانية/كتاب الوليمة/حدیث: 1762]