ام المومنین سیدہ عائشہ صدیقہ رضی اللہ عنہا سے روایت ہے کہ طاعون کا تذکرہ ہوا تو میں نے ذکر کیا کہ نبی کریم صلی اللہ علیہ وسلم نے ارشاد فرمایا: ”یہ ان کے جنات میں سے دشمنوں کی طرف سے پہنچنے والی ایک چبھن ہے جو میری امت کو لاحق ہوتی ہے، یہ پیٹ کی گلٹی کی مانند ایک گلٹی (پھوڑا) ہے، جو اس (وبا) کی موجودگی میں (صبر و ثبات کے ساتھ) مقیم رہا وہ اللہ کی راہ میں پہرہ دینے والے مجاہد کی مانند ہے، جو اس بیماری کا شکار ہوا وہ شہید ہے، اور جو اس سے (ڈر کر) بھاگ نکلا وہ ایسا ہے جیسے کوئی میدانِ جنگ سے پیٹھ دکھا کر فرار ہو جائے“۔
اس روایت کی سند لیث بن ابی سلیم اور ان کے (مبہم) استاد کی وجہ سے انتہائی کمزور ہے۔ [المطالب العالية بزوائد المسانيد الثمانية/كتاب الجهاد/حدیث: 1922]