سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم کی بارگاہ میں شہداء کا تذکرہ کیا گیا تو آپ صلی اللہ علیہ وسلم نے ارشاد فرمایا: ”(حقیقی شہید) وہ لوگ ہیں کہ جب دشمن سے ان کا آمنا سامنا ہو تو وہ اپنے رخ نہیں پھیرتے یہاں تک کہ قتل کر دیے جائیں، یہی وہ بلند بخت لوگ ہیں جو جنت کے بالا خانوں میں نہایت عیش و اطمینان کے ساتھ قیام پذیر ہوں گے اور ان کا رب ان کی جانب دیکھ کر تبسم فرمائے گا، اور یاد رکھو کہ جب تمہارا رب کسی مقام پر اپنے بندے کی جانب مسکرا دے تو پھر اس پر کوئی حساب و کتاب نہیں ہے۔“ [المطالب العالية بزوائد المسانيد الثمانية/كتاب الجهاد/حدیث: 1923]