عَمرو بن عَطِیَّہ رحمہ اللہ بیان کرتے ہیں کہ: ”میں سیدنا عُمَر رَضِیَ اللّٰہُ عَنْہُ کی خدمت میں حاضر ہوا اور میں نے ان کے دستِ مبارک پر بَیْعَت کی جب کہ میں ابھی لڑکا ہی تھا؛ یہ عہد و پیمان «عَلٰی کِتَابِ اللّٰہِ وَسُنَّۃِ نَبِیِّہِ، ہِیَ لَنَا وَہِیَ عَلَیْنَا» ”اللہ کی کتاب اور اس کے نبی صلی اللہ علیہ وسلم کی سنت کی پیروی پر مبنی تھا، جو (شریعت) ہمارے حق میں (سراسر خیر) ہے اور ہم پر (بطورِ فریضہ) لازم ہے“، تو وہ (میری یہ پختہ گفتگو سن کر) ہنس پڑے اور میری بیعت قبول فرما لی۔“
اس روایت کو امام مُسَدَّد بن مُسَرْہَد نے اپنی تالیف میں نقل کیا ہے۔ [المطالب العالية بزوائد المسانيد الثمانية/كتاب الخلافة والإمارة/حدیث: 2110]