سیدنا عبد اللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے ارشاد فرمایا: ”تم میں سے کوئی شخص ہرگز ایسے مَظْلُوم کے پاس کھڑا نہ ہو جسے قَتْل کیا جا رہا ہو؛ کیونکہ جب وہاں موجود لوگ اس کا دِفَاع (بچاؤ) نہیں کرتے تو ان پر لَعْنَت نازل ہوتی ہے، اور کوئی شخص ہرگز ایسے مَظْلُوم کے پاس کھڑا نہ ہو جسے زدوکوب کیا جا رہا ہو؛ کیونکہ جب وہاں موجود لوگ اس کا دِفَاع نہیں کرتے تو ان پر بھی لَعْنَت نازل ہوتی ہے۔“
یہ روایت کتاب «مَسْنَدُ اَحْمَد بْنِ مَنِیْعٍ» کی ہے، تاہم اس کی سند میں حُسین بن قیس الرَّحَبِی ضعیف راوی ہے۔ [المطالب العالية بزوائد المسانيد الثمانية/كتاب الخلافة والإمارة/حدیث: 2135]