سَیِّدَتُنَا اُمِّ اَیْمَنَ رَضِیَ اللہُ عَنْہَا سے روایت ہے کہ انہوں نے رسول اللہ صلی اللہ علیہ وسلم کو اپنے بعض اہل خانہ کو وصیت فرماتے ہوئے سنا، آپ صلی اللہ علیہ وسلم نے ارشاد فرمایا: ”اور تم صَاحِبَانِ اَمْر (اہلِ اقتدار) سے حکومت و اختیار کے معاملے میں ہرگز نزاع نہ کرنا، اگرچہ تم یہ سمجھتے ہو کہ حق تمہارے ہی پاس ہے۔“
اِمَام اَبُو یَعْلٰیؒ نے اَبُو بَکْر بن زَنْجُوْیَہ، انہوں نے اَبُو مُسْہِر اور انہوں نے سَعِیْد بن عَبْدِ الْعَزِیْز کے واسطے سے یہی روایت بیان کی ہے۔
اِمَام عَبْد بن حُمَیْدؒ نے عُمَر بن سَعِیْد، انہوں نے سَعِیْد کے علاوہ کسی اور راوی سے، اور انہوں نے اِمَام زُہْرِیؒ سے نقل کیا ہے کہ: ”جس شخصیت کو یہ وصیت فرمائی گئی وہ سَیِّدُنَا ثَوْبَان رَضِیَ اللہُ عَنْہُ تھے۔“ [المطالب العالية بزوائد المسانيد الثمانية/كتاب الخلافة والإمارة/حدیث: 2143]