اِمَام اَبُو یَعْلٰی رحمہ اللہ کی روایت کے مطابق سَیِّدُنَا اَنَس رَضِیَ اللّٰہُ عَنْہُ بیان کرتے ہیں کہ نبی کریم صلی اللہ علیہ وسلم کے پاس سے ایک «جَنَازَہ» گزرا تو آپ صلی اللہ علیہ وسلم نے ارشاد فرمایا: ”اس شخص کے لیے «طُوبٰی» ”خوشخبری اور جنت کا درخت“ ہے بشرطیکہ وہ «عَرِیفٌ» ”قبیلے کا نقیب یا سرکاری عہدیدار“ نہ رہا ہو۔“
اس حدیث کو اِمَام اَبُو یَعْلٰی الْمَوْصِلِی نے اپنی «مُسْنَد» میں روایت کیا ہے، واضح رہے کہ اس کی سند میں مُبَارَک بْن سُحَیْم ضعیف راوی ہے۔ [المطالب العالية بزوائد المسانيد الثمانية/كتاب الخلافة والإمارة/حدیث: 2168]