سیدنا ابوہریرہ اور سیدنا عبداللہ بن عباس رضی اللہ عنہما سے روایت ہے کہ ”رسول اللہ صلی اللہ علیہ وسلم نے ہمیں خطبہ دیا اور اس میں یہ بھی فرمایا: ”جو شخص کوئی کپڑا پہنے اور اس میں اکڑ کر چلے (یعنی تکبر کا مظاہرہ کرے)، اسے جہنم کے کنارے سے زمین میں دھنسا دیا جائے گا، پھر وہ اس میں اس وقت تک لڑھکتا اور گرتا رہے گا جب تک آسمان اور زمین قائم ہیں۔ یہ اس لیے کہ قارون نے ایک قیمتی جوڑا پہنا تھا اور اس میں تکبر سے اکڑ کر چلا تھا، تو اسے زمین میں دھنسا دیا گیا تھا اور وہ قیامت کے دن تک اسی میں لڑھکتا اور گرتا رہے گا۔“ [المطالب العالية بزوائد المسانيد الثمانية/كتاب اللباس والزينة/حدیث: 2212]