حماد بن ابی سلیمان سے روایت ہے کہ میں نے ابوبردہ رحمہ اللہ کے پاس رات کا کھانا کھایا تو انہوں نے مجھ سے کہا: کیا میں تمہیں وہ حدیث نہ سناؤں جو مجھے میرے والد سیدنا عبداللہ بن قیس (سیدنا ابوموسیٰ اشعری) رضی اللہ عنہ نے بیان کی تھی؟ انہوں نے کہا کہ رسول اللہ صلی اللہ علیہ وسلم نے ارشاد فرمایا: ”جس شخص نے کھانا کھایا اور اس کا پیٹ بھر گیا، اور پانی پیا اور وہ سیراب ہو گیا، پھر اس نے یہ دعا پڑھی: «الْحَمْدُ لِلهِ الَّذِي أَطْعَمَنِي فَأَشْبَعَنِي، وَسَقَانِي فَأَرْوَانِي» ”تمام تعریفیں اللہ ہی کے لیے ہیں جس نے مجھے کھانا کھلایا اور میرا پیٹ بھرا، اور مجھے پانی پلایا اور میری پیاس بجھائی“، تو وہ اپنے گناہوں سے اس طرح پاک ہو کر نکل جاتا ہے جیسے اس دن پاک تھا جس دن اس کی ماں نے اسے جنم دیا تھا۔“
اسے امام ابویعلیٰ نے اپنی مسند میں روایت کیا ہے۔ [المطالب العالية بزوائد المسانيد الثمانية/كتاب الأطعمة والأشربة/حدیث: 2394]