سیدنا عبداللہ بن ابی عبداللہ رضی اللہ عنہ سے روایت ہے کہ سیدنا عثمان بن عفان رضی اللہ عنہ نے شہد، دیسی گھی اور گندم سے ایک حلوہ (خبیص) تیار کیا، پھر وہ اسے ایک بڑے پیالے میں رکھ کر رسول اللہ صلی اللہ علیہ وسلم کی خدمتِ اقدس میں لائے تو آپ صلی اللہ علیہ وسلم نے دریافت فرمایا: ”یہ کیا ہے؟“ انہوں نے عرض کیا: ”اے اللہ کے نبی! یہ ایک ایسی چیز ہے جسے عجمی لوگ گندم، شہد اور گھی سے تیار کرتے ہیں اور وہ اسے خبیص پکارتے ہیں۔“ راوی بیان کرتے ہیں کہ نبی کریم صلی اللہ علیہ وسلم نے اسے تناول فرمایا۔
[مسند الحارث: 2421، اس حدیث کی سند میں ہیثم بن عمران موجود ہے جو کہ مستور الحال راوی ہے] ۔ [المطالب العالية بزوائد المسانيد الثمانية/كتاب الأطعمة والأشربة/حدیث: 2421]