سیدنا عبداللہ بن عباس رضی اللہ عنہما سے روایت ہے کہ انہوں نے بیان کیا: ”نبی کریم صلی اللہ علیہ وسلم (کبھی کبھی) اشعار میں سے بطور مثال یہ مصرع پڑھا کرتے تھے: «وَيَأْتِيكَ بِالْأَخْبَارِ مَنْ لَمْ تُزَوِّدِ» ”اور تمہارے پاس وہ شخص خبریں لے کر آئے گا جسے تم نے کوئی زادِ راہ (یا معاوضہ) فراہم نہیں کیا ہو گا۔“
اسے امام بزار نے ابواسامہ کے طریق سے روایت کیا ہے اور کہا ہے کہ اس روایت کو (سماک سے) نقل کرنے میں زائدہ نامی راوی منفرد ہیں، جبکہ دیگر رواۃ نے اسے سماک کے واسطے سے، انہوں نے عکرمہ سے اور انہوں نے سیدہ عائشہ رضی اللہ عنہا سے روایت کیا ہے۔ [المطالب العالية بزوائد المسانيد الثمانية/كتاب الأدب/حدیث: 2597]