مسلم بن نذیر رحمہ اللہ سے روایت ہے کہ ایک شخص نے سیدنا حذیفہ رضی اللہ عنہ سے دریافت کیا کہ ”کیا میں اپنی والدہ کے پاس (کمرے میں) داخل ہوتے وقت بھی اجازت طلب کروں؟“ تو انہوں نے ارشاد فرمایا: ”ہاں! یقیناً اگر تم ان سے اجازت طلب نہیں کرو گے تو ہو سکتا ہے کہ تم انہیں ایسی حالت میں دیکھ لو جو تمہیں ناگوار و ناپسندیدہ لگے۔“
یہ اثر صحیح ہے اور اسے امام ابن ابی شیبہ نے المصنف میں (حدیث: 2656) اور امام بخاری نے الادب المفرد میں (حدیث: 1063) روایت کیا ہے۔ [المطالب العالية بزوائد المسانيد الثمانية/كتاب الأدب/حدیث: 2646]