سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”کلمہ «لَا إِلَهَ إِلَّا اللهُ» ”اللہ کے سوا کوئی معبودِ برحق نہیں“ بندے کو اللہ عزوجل کی ناراضی اور غصے سے اس وقت تک محفوظ رکھتا ہے جب تک کہ لوگ اپنی دنیاوی مفادات اور اس کی محبت کو اپنے دین پر ترجیح نہ دینے لگیں، پس جب وہ ایسا کرنے لگیں (کہ دنیا کو دین پر مقدم کر لیں) اور پھر «لَا إِلَهَ إِلَّا اللهُ» کہیں تو اللہ عزوجل فرماتا ہے: ”تم نے جھوٹ کہا ہے۔““
تخریج و تحکیم: اس حدیث کو امام بیہقی نے شعب الایمان (2866) میں روایت کیا ہے، اس کی سند میں عمر بن حمزہ نامی راوی کی وجہ سے ضعف موجود ہے۔ [المطالب العالية بزوائد المسانيد الثمانية/كتاب الإيمان والتوحيد/حدیث: 2866]