سیدنا عبداللہ بن مسعود رضی اللہ عنہ سے روایت ہے کہ ایک شخص نے دوسرے آدمی کی گردن پر پاؤں رکھا جبکہ وہ سجدے کی حالت میں تھا، تو اس (سجدہ کرنے والے) نے (برہمی کے عالم میں) کہا: ”کیا تو نے میری گردن پر پاؤں رکھا ہے جبکہ میں سجدہ ریز ہوں؟ اللہ کی قسم! اللہ تجھے کبھی معاف نہیں کرے گا۔“ تو انہوں نے فرمایا: ”اس شخص نے اللہ تعالیٰ پر قسم کھائی (کہ اللہ فلاں کی مغفرت نہیں کرے گا)، چنانچہ اللہ نے اس (دوسرے شخص) کو معاف فرما دیا۔“
اس حدیث کو امام مسدد نے روایت کیا ہے اور اس کے تمام راوی ثقہ ہیں۔ [المطالب العالية بزوائد المسانيد الثمانية/كتاب الإيمان والتوحيد/حدیث: 2939]