سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”اس علم کی مثال جسے بیان نہ کیا جائے (اور اسے دوسروں تک نہ پہنچایا جائے) اس خزانے کی مانند ہے جس میں سے اللہ عزوجل کی راہ میں کچھ بھی خرچ نہ کیا گیا ہو۔“
اس حدیث کو امام احمد نے مسند (9109) اور طبرانی نے معجم الاوسط (686) میں روایت کیا ہے، اس کی سند میں موجود راوی ابراہیم بن مسلم الہجری ضعیف الحفظ ہیں، تاہم علم کو عام کرنے اور اسے نہ چھپانے کی ترغیب دیگر صحیح نصوص سے ثابت ہے۔ [المطالب العالية بزوائد المسانيد الثمانية/كتاب العلم/حدیث: 3047]