سیدنا ابو سعید خدری رضی اللہ عنہ سے روایت ہے کہ انہوں نے فرمایا: ”رسول اللہ صلی اللہ علیہ وسلم پر شبِ معراج پچاس نمازیں فرض کی گئیں، پھر ان میں بتدریج کمی کی گئی یہاں تک کہ وہ پانچ کر دی گئیں، تو اللہ عزوجل نے ارشاد فرمایا: ”تمہارے لیے ان پانچ نمازوں میں پچاس ہی کا ثواب و اجر ہے، کیونکہ ایک نیکی کا بدلہ اس کے دس گنا کے برابر ہوتا ہے““۔
اسے امام عبد بن حمید نے اپنی مسند میں روایت کیا ہے۔ [المطالب العالية بزوائد المسانيد الثمانية/كتاب الصلاة/حدیث: 306]