رسول اللہ صلی اللہ علیہ وسلم کے آزاد کردہ غلام سیدنا ثوبان رضی اللہ عنہ یا نبی کریم صلی اللہ علیہ وسلم کے کسی اور صحابی رضی اللہ عنہ سے روایت ہے کہ اللہ کے رسول صلی اللہ علیہ وسلم نے ارشاد فرمایا: ”تم میں سے ہر ایک کو چاہیے کہ وہ ذکر کرنے والی زبان، شکر گزار رہنے والا دل اور ایسی باایمان بیوی اختیار کرے جو اس کے دین و ایمان کے معاملات میں اس کی معاون و مددگار ثابت ہو۔“
(مصنف کہتے ہیں کہ) میں نے اس روایت کو اس میں موجود شک کی وجہ سے ذکر کیا ہے، حالانکہ امام ترمذی اور امام ابن ماجہ نے اسے سالم بن ابی الجعد کے طریق سے صرف سیدنا ثوبان رضی اللہ عنہ کے واسطے سے روایت کیا ہے اور ان دونوں کا بیان کردہ سیاقِ حدیث زیادہ کامل و مکمل ہے۔ [المطالب العالية بزوائد المسانيد الثمانية/كتاب الرقائق/حدیث: 3122]