سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”جس شخص نے سو مرتبہ «لَا إِلَهَ إِلَّا اللهُ» ”اللہ کے سوا کوئی معبودِ برحق نہیں“ کہا، سو مرتبہ «اللهُ أَكْبَرُ» ”اللہ سب سے بڑا ہے“ کہا، اور سو مرتبہ «سُبْحَانَ اللهِ» ”اللہ ہر عیب و نقص سے پاک ہے“ کہا، تو یقیناً یہ عمل اس کے لیے دس غلاموں کو آزاد کرنے اور سات قربانی کے اونٹوں کو نحر کرنے سے زیادہ بہتر ہے۔“
اس حدیث کو امام ابویعلیٰ نے اپنی مسند میں روایت کیا ہے، اس کی سند میں سلمہ بن وردان راوی موجود ہے جو کہ جمہور محدثین کے نزدیک ضعیف ہے، تاہم ان اذکار کی فضیلت میں دیگر صحیح احادیث بطورِ شواہد موجود ہیں۔ [المطالب العالية بزوائد المسانيد الثمانية/كتاب الأذكار والدعوات/حدیث: 3409]