ربیع بن انس رحمہ اللہ سے روایت ہے کہ انہوں نے فرمایا: ”آسمانوں کی حقیقت یہ ہے کہ ان میں سے پہلا آسمان ایک رکی ہوئی لہر (پانی کی تھمی ہوئی موج) ہے، دوسرا چٹان سے بنا ہے، تیسرا لوہے سے ہے، چوتھا تانبے کا ہے، پانچواں چاندی کا ہے، چھٹا سونے کا ہے اور ساتواں آسمان یاقوت کا ہے۔“
یہ اثر ربیع بن انس رحمہ اللہ سے موقوفاً مروی ہے اور اس کی سند میں موجود راوی ابو جعفر الرازی اگرچہ حفظ میں کلام کے باعث ضعیف کہے گئے ہیں، تاہم ربیع بن انس سے ان کی روایت کو مستند مانا جاتا ہے۔ [المطالب العالية بزوائد المسانيد الثمانية/كتاب بدء الخلق/حدیث: 3431]