ایوب رحمہ اللہ سے روایت ہے کہ امام ابو قلابہ رحمہ اللہ نے اس آیت مبارکہ ﴿إِنَّ الَّذِينَ اتَّخَذُوا الْعِجْلَ سَيَنَالُهُمْ غَضَبٌ مِنْ رَبِّهِمْ وَذِلَّةٌ فِي الْحَيَاةِ الدُّنْيَا ۚ وَكَذَٰلِكَ نَجْزِي الْمُفْتَرِينَ﴾ [سورة الأعراف: 152] کی تلاوت فرمائی اور اس کی تفسیر میں ارشاد فرمایا: ”اللہ کی قسم! یہ وعید یعنی دنیاوی زندگی میں ذلت و رسوائی، قیامت تک ہر اس شخص کے لیے ہے جو اللہ کے بارے میں جھوٹ اور بہتان گھڑنے والا ہو۔“
یہ روایت سنن دارمی میں موجود ہے اور اس کی سند صحیح ہے۔ [المطالب العالية بزوائد المسانيد الثمانية/كتاب التفسير/حدیث: 3605]