ام المؤمنین سیدہ ام سلمہ رضی اللہ عنہا سے روایت ہے کہ انہوں نے رسول اللہ صلی اللہ علیہ وسلم سے مسخ (یعنی عذاب کے طور پر انسانی صورتوں کے جانوروں میں تبدیل ہونے) کے متعلق دریافت کیا کہ کیا ایسی صورت میں اس کی کوئی نسل ہوتی ہے؟ تو آپ صلی اللہ علیہ وسلم نے ارشاد فرمایا: ”کبھی ایسا نہیں ہوا کہ کسی کی صورت مسخ کی گئی ہو اور پھر اس کی کوئی نسل رہی ہو یا اس کی کوئی اولاد آگے چلی ہو۔“
میں (ابن حجر) کہتا ہوں: یہ روایت امام مسلم کے ہاں معرور کے واسطے سے سیدنا عبداللہ بن مسعود رضی اللہ عنہ سے مروی ہے جس میں بیان ہوا ہے کہ سیدہ ام حبیبہ رضی اللہ عنہا نے یہ سوال کیا تھا، اور یہی روایت صحیح ہے، جبکہ (زیرِ بحث سند کے راوی) لیث حافظے کے اعتبار سے کمزور ہیں۔ [المطالب العالية بزوائد المسانيد الثمانية/كتاب التفسير/حدیث: 3612]