عبید اللہ بن کعب بن مالک رحمہ اللہ سے روایت ہے کہ جب یہ آیت کریمہ ﴿وَالشُّعَرَاءُ يَتَّبِعُهُمُ الْغَاوُونَ﴾ [سورة الشعراء: 224] نازل ہوئی، تو رسول اللہ صلی اللہ علیہ وسلم نے (مؤمن شعراء کی اہمیت واضح کرتے ہوئے) ارشاد فرمایا: ”بے شک مؤمن (دین کی خاطر) اپنے ہاتھ اور اپنی زبان دونوں کے ساتھ جہاد کرتا ہے، اور اس ذات کی قسم جس کے قبضۂ قدرت میں میری جان ہے! (تمہارے یہ اشعار کفار کے خلاف) ایسے ہی کاٹ دار ہیں گویا کہ تم ان پر تیروں سے حملہ آور ہو رہے ہو۔“
اس حدیث کو امام ابو یعلیٰ نے اپنی مسند میں روایت کیا ہے، اس کی سند میں صالح بن ابی الاخضر راوی کے حافظے کی بنا پر کلام ہے، تاہم اس کے شواہد صحیح روایات میں موجود ہیں۔ [المطالب العالية بزوائد المسانيد الثمانية/كتاب التفسير/حدیث: 3677]