ابو مالک سے روایت ہے کہ ابی بن خلف ایک گلی سڑی اور بوسیدہ ہڈی لے کر رسول اللہ صلی اللہ علیہ وسلم کی خدمت میں حاضر ہوا اور اسے آپ صلی اللہ علیہ وسلم کے سامنے اپنے ہاتھوں سے چورا چورا کر دیا، پھر کہنے لگا: ”اے محمد! کیا اللہ اس ہڈی کو دوبارہ زندہ کرے گا جبکہ یہ بالکل گل سڑ چکی ہے؟“ آپ صلی اللہ علیہ وسلم نے ارشاد فرمایا: ”ہاں! اللہ اسے بھی دوبارہ اٹھائے گا، پھر تجھے موت دے گا، پھر تجھے دوبارہ زندہ کرے گا اور پھر تجھے جہنم میں داخل کرے گا۔“ راوی کہتے ہیں کہ اس موقع پر سورہ یٰسین کی آخری آیات نازل ہوئیں: ﴿أَوَلَمْ يَرَ الْإِنْسَانُ أَنَّا خَلَقْنَاهُ مِنْ نُطْفَةٍ فَإِذَا هُوَ خَصِيمٌ مُبِينٌ﴾ [سورة يس: 77] سورت کے آخر تک۔
اس حدیث کی سند حسن ہے اور اسے امام حارث نے اپنی مسند میں روایت کیا ہے۔ [المطالب العالية بزوائد المسانيد الثمانية/كتاب التفسير/حدیث: 3691]