سیدنا عبداللہ بن عباس رضی اللہ عنہما سے روایت ہے کہ سیدنا عمر بن خطاب رضی اللہ عنہ نے اسلام قبول کر لیا جبکہ ان کی اہلیہ مشرکین کے پاس پیچھے رہ گئیں، اس موقع پر اللہ عزوجل نے یہ حکم نازل فرمایا: ﴿وَلَا تُمْسِكُوا بِعِصَمِ الْكَوَافِرِ﴾ [سورة الممتحنة: 10] ، جس کا مفہوم یہ ہے کہ ”اگر کوئی مرد اسلام قبول کر لے اور اس کی بیوی (اسلام لانے سے) انکار کر دے، تو وہ شوہر اس عورت کے علاوہ اگر چاہے تو چار نکاح کر سکتا ہے۔“
اس روایت کی سند میں محمد بن السائب الکلبی موجود ہے جو کہ کذاب اور متروک الحدیث راوی ہے، اس لیے یہ اثر سنداً ضعیف ہے۔ [المطالب العالية بزوائد المسانيد الثمانية/كتاب التفسير/حدیث: 3753]