سیدنا عبداللہ بن عباس رضی اللہ عنہما اللہ تعالیٰ کے اس فرمان ﴿وَلَا يَخْرُجْنَ إِلَّا أَن يَأْتِينَ بِفَاحِشَةٍ مُّبَيِّنَةٍ﴾ [سورة الطلاق: 1] کی تفسیر میں فرماتے ہیں کہ ” «الْفَاحِشَةُ الْمُبَيِّنَةُ» (کھلی بے حیائی) سے مراد یہ ہے کہ وہ (مطلقہ عورت دورانِ عدت) اپنے سسرال والوں کے ساتھ بدزبانی اور بدتمیزی کرے؛ پس جب وہ ایسا (نازیبا رویہ اختیار) کرے تو ان کے لیے اسے (گھر سے) نکال دینا حلال و جائز ہو جاتا ہے۔“
اس روایت کی سند حسن ہے اور اسے امام نسائی نے السنن الکبریٰ میں روایت کیا ہے۔ [المطالب العالية بزوائد المسانيد الثمانية/كتاب التفسير/حدیث: 3759]