سیدہ عائشہ رضی اللہ عنہا سے روایت ہے کہ انہوں نے فرمایا: ”میں نے اللہ کے رسول صلی اللہ علیہ وسلم کے علاوہ کسی کو بھی سیدہ فاطمہ رضی اللہ عنہا سے بڑھ کر کلام اور گفتگو میں سچا نہیں پایا۔“ اور ان دونوں (سیدہ عائشہ اور سیدہ فاطمہ رضی اللہ عنہما) کے مابین کسی معاملے میں کچھ (ناگواری یا اختلاف) پیدا ہوئی تو انہوں نے (سیدہ عائشہ رضی اللہ عنہا نے) عرض کیا: ”اے اللہ کے رسول! آپ خود ان سے دریافت فرما لیں کیونکہ وہ کبھی جھوٹ نہیں بولتیں۔“
اسے امام ابو یعلیٰ نے اپنی مسند میں روایت کیا ہے اور اس کی سند میں موجود راوی ثقہ ہیں۔ [المطالب العالية بزوائد المسانيد الثمانية/كتاب المناقب/حدیث: 3957]