حارث بن قیس رحمہ اللہ سے روایت ہے کہ انہوں نے فرمایا: ”جب تم دنیا کے کاموں میں سے کسی کام میں ہو تو اسے پھرتی اور تیزی سے مکمل کرو، اور جب تم آخرت کے امور میں سے کسی معاملے میں ہو تو جس قدر ہو سکے اس میں ٹھہراؤ اور وقار اختیار کرو، اور جب تم کسی کارِ خیر کا ارادہ کرو تو اس میں تاخیر نہ کرو، اور اگر تم نماز پڑھ رہے ہو اور شیطان تمہارے پاس آ کر یہ کہے کہ ”تم ریا کار ہو“ تو تم اس نماز کو مزید طویل کر دو۔“
اسے امام مسدد نے اپنی مسند میں روایت کیا ہے اور اس کی سند کے تمام راوی ثقہ و معتبر ہیں۔ [المطالب العالية بزوائد المسانيد الثمانية/صفة الصلاة/حدیث: 495]