سیدنا عبداللہ بن عباس رضی اللہ عنہما سے روایت ہے کہ سیدنا عمر فاروق رضی اللہ عنہ (نمازِ تہجد کے) قیام سے فارغ ہو کر لوگوں کی طرف متوجہ ہوئے اور ارشاد فرمایا: ”رات کا جتنا وقت اب باقی رہ گیا ہے، وہ اس وقت سے کہیں زیادہ فضیلت والا ہے جو گزر چکا ہے“۔
اس روایت کی سند قوی ہے اور یہ رات کے آخری پہر اور وقتِ سحر کی اس فضیلت کو بیان کرتی ہے جو دیگر احادیثِ مبارکہ سے بھی ثابت ہے۔ [المطالب العالية بزوائد المسانيد الثمانية/كتاب النوافل/حدیث: 597]