سیدنا زید بن ارقم رضی اللہ عنہ سے روایت ہے کہ نبی کریم صلی اللہ علیہ وسلم ان کے پاس مسجدِ قبا میں تشریف لائے تو آپ صلی اللہ علیہ وسلم نے انہیں چاشت (ضحیٰ) کی نماز ادا کرتے ہوئے دیکھا، جس پر آپ صلی اللہ علیہ وسلم نے ارشاد فرمایا: ”یہ اوابین (اللہ کی طرف رجوع کرنے والوں) کی نماز ہے۔“ راوی کہتے ہیں کہ وہ لوگ یہ نماز اس وقت ادا کیا کرتے تھے جب (دھوپ کی شدت سے) اونٹ کے بچوں کے پاؤں تپنے لگتے تھے۔
میں (ابن حجر) کہتا ہوں کہ یہ روایت صحیح مسلم کے سیاق کے خلاف ہے، کیونکہ وہاں الفاظ یہ ہیں کہ سیدنا زید بن ارقم رضی اللہ عنہ نے کچھ لوگوں کو چاشت کی نماز پڑھتے دیکھا تو فرمایا: وہ یقیناً یہ بات جانتے ہیں کہ اس وقت کے علاوہ (تاخیر سے) نماز پڑھنا زیادہ فضیلت والا ہے، بے شک رسول اللہ صلی اللہ علیہ وسلم نے ارشاد فرمایا: ”اوابین کی نماز اس وقت ہوتی ہے جب (شدتِ تپش سے) اونٹ کے بچوں کے پاؤں جلنے لگیں۔“ [المطالب العالية بزوائد المسانيد الثمانية/كتاب النوافل/حدیث: 658]