امام ایوب سختیانی رحمہ اللہ سے اس شخص کے بارے میں روایت ہے جو یہ کہتا ہے کہ ”نماز اللہ عزوجل کی طرف سے (فرض) ہے لیکن میں اسے ادا نہیں کروں گا“، تو انہوں نے فرمایا کہ ”اس کی گردن یہاں سے مار دی جائے گی“ اور (یہ کہتے ہوئے راوی) اسحاق نے اپنی گدی کی طرف اشارہ کیا، (نیز فرمایا کہ) ”اس حکم میں ائمہ دین کے درمیان کوئی اختلاف نہیں ہے“۔
یہ اثر اس شخص کے متعلق ہے جو نماز کی فرضیت کا اقرار تو کرے مگر اسے ادا کرنے سے صریح انکار کر دے، ایسا شخص ائمہ کے نزدیک واجب القتل ہے اور اس پر اجماع نقل کیا گیا ہے۔ [المطالب العالية بزوائد المسانيد الثمانية/كتاب النوافل/حدیث: 665]