سیدنا سعد بن ابی وقاص رضی اللہ عنہ سے روایت ہے کہ اللہ کے رسول صلی اللہ علیہ وسلم نے اس دن (سیدنا سعد بن معاذ رضی اللہ عنہ کی وفات پر) اپنے دونوں مبارک گھٹنے سمیٹ لیے، اتنے میں ایک فرشتہ داخل ہوا لیکن اسے بیٹھنے کی جگہ نہ ملی تو میں نے اس کے لیے جگہ کشادہ کر دی، اس دوران ام سعد (یعنی سیدنا سعد بن معاذ رضی اللہ عنہ کی والدہ) ان پر گریہ و زاری کر رہی تھیں اور یہ اشعار پڑھ رہی تھیں: ”ہاۓ افسوس سعد کی ماں پر سعد کی جدائی میں! جو کمال اور بزرگی کا پیکر تھا، اپنے احسانات اور عظمت کے تذکروں کے بعد اس نے اپنی جوانی (راہِ خدا میں) قربان کر دی۔“ تب رسول اللہ صلی اللہ علیہ وسلم نے ارشاد فرمایا: ”رونے والی ہر عورت (مبالغہ آرائی کی وجہ سے) جھوٹ بولتی ہے سوائے ام سعد کے۔“
اس حدیث کی سند حسن ہے، اسے امام اسحاق بن راہویہ نے اپنی مسند میں روایت کیا ہے اور امام حاکم نے بھی اسے صحیح قرار دیا ہے۔ [المطالب العالية بزوائد المسانيد الثمانية/كتاب الجنائز/حدیث: 843]