سیدنا انس رضی اللہ عنہ سے روایت ہے کہ ایک نوجوان یہودی لڑکا نبی کریم صلی اللہ علیہ وسلم کی خدمت کیا کرتا تھا۔ جب وہ بیمار ہوا تو آپ صلی اللہ علیہ وسلم اس کی عیادت کے لیے تشریف لے گئے اور فرمایا: ”کیا تم گواہی دیتے ہو کہ اللہ کے سوا کوئی معبودِ برحق نہیں اور میں اللہ کا رسول ہوں؟“ اس لڑکے نے اپنے والد کی طرف دیکھا تو اس نے کہا: ”محمد صلی اللہ علیہ وسلم جو فرما رہے ہیں، وہی کہہ دو۔“ چنانچہ اس نے اسلام قبول کر لیا۔ نبی کریم صلی اللہ علیہ وسلم نے فرمایا: ”اپنے ساتھی کی نمازِ جنازہ پڑھو۔“
امام ابو یعلیٰ رحمہ اللہ نے بھی اسے ابوبکر کے واسطے سے روایت کیا ہے۔ [المطالب العالية بزوائد المسانيد الثمانية/كتاب الجنائز/حدیث: 886]