سیدنا ابو ایوب انصاری رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”خلال کرنے والے (صفائی ستھرائی کا اہتمام کرنے والے) کیا ہی اچھے لوگ ہیں!“ صحابہ کرام علیہم الرضوان نے عرض کیا: اے اللہ کے رسول! یہ خلال کرنے والے کون لوگ ہیں؟ آپ صلی اللہ علیہ وسلم نے فرمایا: ”وضو میں خلال کرنے سے مراد یہ ہے کہ تم اپنی انگلیوں کے درمیانی حصوں اور ناخنوں کی جڑوں کو اچھی طرح صاف کرو، اور کھانے کے بعد خلال کرنے سے مراد (دانتوں میں پھنسے ذرات نکالنا) ہے، کیونکہ اس فرشتے کے لیے جو بندے کے ساتھ ہمہ وقت رہتا ہے، اس سے زیادہ تکلیف دہ اور گراں کوئی چیز نہیں کہ وہ تم میں سے کسی کے منہ سے کھانے کے (بچے ہوئے ذرات کی وجہ سے پیدا ہونے والی) بو محسوس کرے۔“
اس کی سند میں موجود راوی ابو سورہ ضعیف ہے، تاہم امام احمد بن حنبل رحمہ اللہ نے اس حدیث کی اصل روایت تخریج کی ہے۔ [المطالب العالية بزوائد المسانيد الثمانية/كتاب الطهارة/حدیث: 90]