سیدنا صنابح احمسی رضی اللہ عنہ سے روایت ہے کہ رسول اللہ صلی اللہ علیہ وسلم نے زکوٰۃ و صدقات کے اونٹوں میں ایک نہایت خوبصورت اور عمدہ اونٹنی دیکھی تو (بطورِ تعجب و تنبیہ) فرمایا: ”اللہ اسے غارت کرے (یعنی اس نے مالِ زکوٰۃ میں سے ایسا اعلیٰ مال کیوں لیا؟)“ اس پر (عاملِ زکوٰۃ نے) عرض کیا: اے اللہ کے رسول! میں نے ریوڑ کے دو عام اور چھوٹے اونٹ دے کر اس ایک اونٹنی کا سودا کیا ہے، تو آپ صلی اللہ علیہ وسلم نے یہ سن کر ارشاد فرمایا: ”تب تو یہ سودا ٹھیک ہے۔“
اس حدیث کو امام ابو یعلیٰ نے اپنی سند کے ساتھ ابوبکر سے روایت کیا ہے۔ [المطالب العالية بزوائد المسانيد الثمانية/كتاب الزكاة/حدیث: 903]