سیدنا حذیفہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”خبردار! عنقریب تم پر ایک ایسا کٹھن اور کڑا زمانہ آئے گا جس میں مومن خرچ ہو جانے کے خوف سے اپنے پاس موجود مال و متاع کو دانتوں سے پکڑ کر رکھے گا (یعنی انتہائی بخل سے کام لے گا)، حالانکہ اللہ تعالیٰ کا فرمان ہے: ﴿وَمَا أَنْفَقْتُمْ مِنْ شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ﴾ (سورۃ السبا: ۳۹) ”اور تم جو کچھ بھی (اللہ کی راہ میں) خرچ کرو گے، وہ اس کا نعم البدل عطا فرمائے گا اور وہ سب سے بہتر رزق دینے والا ہے۔“” [المطالب العالية بزوائد المسانيد الثمانية/كتاب الزكاة/حدیث: 967]